Swapna Jhade Phool Se by Mohammed Rafi song Lyrics and video

Lyrics (English)

Swapna Jhade Phool Se lyrics, the song is sung by Mohammed Rafi from Nai Umar Ki Nai Fasal (1965). Swapna Jhade Phool Se Sad soundtrack was composed by Roshanlal Nagrath (Roshan) with lyrics written by Gopaldas Saxena (Neeraj).
Swapna jhade phool se , mit chubhe shul se
Lut gaye shrrigaar sabhi, baag ke babul se
Aur ham khade khade, bahaar dekhate rahe
Kaarawaan guzar gayaa, gubaar dekhate rahe
Aankh bhi khuli na thi ki haay dhup dhal gai
Paanv jab talaq uthe ki zindagi fisal gai
Paat paat jhad gae ki shaakh-shaakh jal gai
Chaah to nikal saki na par umar nikal gai
Na par umar nikal gai
Git ashk ban gae, swapna ho dafan gae
Saath ke sabhi diye, dhuaa pahan-pahan gae
Aur ham jhuke-jhuke, mod par ruke-ruke
Umr ki chadhaav kaa utaar dekhate rahe, kaaravaan guzar
Kyaa shabaab thaa ki phul phul pyaar kar uthaa
Kyaa kamaal thaa ki dekh aainaa sihar uthaa
Is taraf zamin aur aasamaan udhar uthaa
Thaamakar jigar uthaa ki jo milaa nazar uthaa
Ki jo milaa nazar uthaa
Par tabhi yahaan magar, aisi kuchh havaa chali
Lut gai kali kali ki ghut gai gali gali
Aur ham lute-lute, vaqt se pite-pite
Shaam ki sharaab kaa khumaar dekhate rahe, kaaravaan guzar
Haath the mile ke zulf chaand ki savaar dun
Hoth the khule ke har bahaar ko pukaar lun
Dard thaa diyaa gayaa ke har dukhi ko pyaar dun
Aur saans yun ke svarg, bhumi par utaar dun
Bhumi par utaar dun
Ho sakaa na kuchh magar, shaam ban gai sahar
Vo uthi lahar ke dhah gaye kile bikhar bikhar
Aur ham dare dare, nir nain me bhare
Odh kar kafan pade mazaar dekhate rahe, kaaravaan guzar
atozlyric.com
Maang bhar chali ke ek jab nai nai kiran
Dhol se dhunak uthi thumak uthe charan charan
Shor mach gayaa ke lo chali dulhan chali dulhan
Gaanv sab umada padaa, bahak uthe nayan nayan
Bahak uthe nayan nayan
Par tabhi zahar bhari gaaz ek vah giri
Puchh gayaa sidur taar taar hui chunari
Aur ham ajaan se, dur ke makaan se
Paalaki liye huye kahaar dekhate rahe, kaaravaan guzar
Swapna jhade phul se, mit chubhe shul se
Lut gaye shrrigaar sabhi baag ke babul se
Aur ham khade khade bahaar dekhate rahe
Kaaravaan guzar gaya gubbaar dekhate rahe.
Atozlyric.com is now on Facebook , Pinterest , Twitter and Instagram . Follow us and Stay Updated.

About: Swapna Jhade Phool Se lyrics in Hindi by Mohammed Rafi, music by Roshanlal Nagrath (Roshan). Includes YouTube video and lyrics in multiple languages.